أنا وقلبى وأحزانى

انا بحكى عن قلب عمرة ماعاش الحب

ياترى العيب من الحب ولا العيب من القلب

العيب شكلة فينا وفى احزانا الدفينة

احزان كسرت قلوب ضعيفة ومسكينة

قلوب كانت بريئة لا تعرف الاحزان ولا داقت الحرمان

فجأه القلوب اتكسرت من كثرة الاحزان وقسوة الحرمان

والقلب نسى الحب وبقى فاكر الاحزان

واهو عاش عمره حزين ياخسارة عاش مسكين

عايش مع الجراح وذكريات افراح

والحب منك راح وعمرك بكدة ماهترتاح

ااااااااه ياقلب يامسكين الكل عاش الحب وانت اللى عايش حزين

نفسى اعيش معاك

نفسى اشوف فى عينى لمعتك

نفسى احس فى قلبى لهفتك

نفسى اعيش معاك

امتى هتجينى بالفرحة تهنينى

تقولى انا جيت لك يلا حسينى

وتنسينى اللى فات وتمحى لى الاهات

واعيش معاك احلى الزكريات

زكرى تدوم للابد من غير اهات ولا نكد

انا عشت احلم بيك وهموت ونفسى الاقيك

ياللى اسمك من حرفين

ياللى كنت السبب فى جمع كل اتنين

دة انت اللى بيك عاشوا الحبايب

ياترى عرفتوا هو مين؟؟

هو الحب اللى مدوخ الملايين

هو اللى عشت احلم بيه سنين

انت فين ياللى دخلت قلب ملايين

تعالى وافتح قلبى ولا انا من المنسيين

تعالى لى وريح بالى ولا ضاع منك عنوانى؟؟؟؟؟

بحبك وخايفة انك تخون

بحبك بجد بقلبى الحنون

انا قلبى طالب منك انك تكون حنون

ولو صحيح بتحب ياريت ما تخون

خايفة من الايام تنسيك اللى كان

خايفة تفرحنى وفى عز الفرحة تجرحنى

خايفة بس دايبة وبحبك انا معترفة

ياريتك يوم تجينى بالفرحة تصحينى

وباحلى كلمة منك اتمنى تشجينى

وبحبك تعترف لى ويكون زى اعترافى

انا اعترفت ليك لانى بموت فيك

خايفة من اعترافى تلومنى الناس عليه

مهما يكون المصير بحبك حب كبير

مهما يلومونى وعن حبك يحاكمونى

برضة بحبك حب جنونى

بحبك بحبك ياريت اسمعها منك

احساس جميل خداع كل اللى حسه ضاع

وكان ايه هو الاحساس ومين هو اللى ضاع؟؟

كان الاحساس الحب واللى ضاع هو اللى حب

وجيت فى يوم احب لقيت فجأه الخداع

ملحقتش حتى افرح لانة بسرعة ضاع

ومرة جيت احسه حرمت من الخداع

لقيت امامى الغش والكدب والخداع

حاولت مرة تانية احب بدون خداع

لقيت نفس المصير الغش والخداع

حرمت احب تانى وعهدتك على كدة يازمانى

احساس غريب فى قلبى واول مرة احسه

احساس شديد عليا وعلى اى حد يحسه

احساس بالفراق لاعز من احبه

وهى كل عمرى من واحنا فى الطفولة

وكنت احكى لها همى وهى الام الحنونة

كانت دايما بتساعدنى عمرها ماخذلتنى

كنت بعيش بحماها وبخوفها هى عليا

وياما قسيت عليها وياما استحملتنى

كانت هى الصديقة والاخت والحبيبة

عمرها ماجرحتنى ولا قسيت حتى عليا

حتى فى يوم امتحانى كانت هى مقويانى

كانت دايما بتطمنى وتخرجنى من همى

قلبها صندوق لهمومى برمى عليها حمولى

ولو فى يوم اشتكيت القاها هى جنبى

فرحتى كانت كبيرة يوم شبكتها الجميلة

كان احلى يوم فى عمرى يوم مالقيتها فى ايدية

حسيت انى مسطولة او حتى كمان مجنونة

وانا ماشية معاها حسيت بأمومتى ليها

حسيت انها بنتى وعليها انا خايفة

ربنا يحميها ويحافظ لى عليها

عقبال ماتتم فرحتى يوم فرحتها الكبيرة

واشوفها داخلة الشقة واقفل انا عليها

طبعا مش لوحدها هى وحبيب قلبها

ومهما انا كتبت ومهما اقول عنها

ولا هقدر اعبر لها عن حبى انا ليها

وربنا يصبرنى على بعدها عنى

وربنا يهنيها فى دنيتها الجديدة